Fillimi:

 

Instituti për Studime Ndёrkombёtare është institucion i pavarur, jo qeveritar, vetë financues dhe jofitimprurës i licencuar nga Ministria e Shërbimeve Publike me dt. 7 shkurt 2008.

 

Qëllimi i përgjithshëm i Instituti për Studime Ndёrkombёtare (ISN) ёshtё ofrimi i njohurive shkencore nё fushën e studimeve ndёrkombёtare, duke u fokusuar nё fushat e caktuara pёr tё përgatitur kuadro (specializant) tё cilёt do tё jenё tё aftё pёr punё nё lёmitё e specializuara, tё siguroj hulumtime akademike dhe profesionale nё fushat politike, publike, ekonomike, sociale etj si dhe ka pёr qёllim tё ofroj sesione tё trajnimeve profesionale dhe konsulencё adekuate nё bazё tё praktikave mё tё mira ndёrkombёtare.  

 

Instituti pёr Studime Ndёrkombёtare do tё zhvilloj aktivitetin e tij nё partneritet tё mirё me institucionet relevante vendore rajonale dhe ndёrkombёtare.

 

Qendra e Institutit pёr Studime Ndёrkombёtare ndodhet nё qytetin e Gjilanit. Rajoni i Gjilanit gjendet nё jug lindje tё Republikёs sё Kosovёs dhe ka njё pozitё tё rёndёsishme gjeostrategjike pёr investim arsimor si pёr tё rinjёt e Kosovёs ashtu edhe tё rajonit tё Evropёs Jug Lindore.

 

Veprimtaria e Institutit për Studime Ndёrkombёtare (ISN) është tredimensionale e përqendruar në tre drejtime kryesore:

 

• Specializime Pasuniversitare
• Hulumtime Shkencore Studimore
• Trajnime Profesionale dhe Konsulencë